अध्यादेशबारे छलफल गर्न देउवाले बोलाए शीर्ष नेताको बैठक

सरकारले हठात् जारी गरेको संवैधानिक परिषद्सम्बन्धी अध्यादेशका विषयमा छलफल गर्न कांग्रेस सभापति शेरबहादुर देउवाले शीर्ष नेताहरूको बैठक बोलाएका छन् । बुधबार दिउँसो बस्ने गरी देउवाले पार्टीका पदाधिकारी तथा पूर्वपदाधिकारीको बैठक बोलाएका हुन् । 

पार्टीको पदाधिकारी र पूर्वपदाधिकारीहरूको बैठकमा सरकारले जारी गरेको अध्यादेशबारे छलफल हुने सहमहामन्त्री डा. प्रकाशशरण महतले जानकारी दिए ।

‘पार्टीले गरेको विरोध कार्यक्रमको समीक्षा पनि हुन्छ, सरकारको अध्यादेशलगायत विषयमा समेत छलफल हुन्छ,’ उनले नयाँ पत्रिकासँग भने ।