दुर्घटनामा परी स्कुटरचालकको मृत्यु

Read Time : < 1 मिनेट

नयाँ पत्रिका, भक्तपुर

नयाँ पत्रिका

२o८१ जेठ १ मंगलबार १६:३३:oo

भक्तपुरमा सवारी दुर्घटना हुँदा स्कुटरचालकको मृत्यु भएको छ ।

मध्यपुरथिमि नगरपालिका– ९, राधेराधेका २९ वर्षीय राजु तामाङको दुर्घटनामा परी मृत्यु भएको हो ।

गएराति भक्तपुरबाट काठमाडौंतर्फ बा.७३प ३८२ नम्बरको स्कुटर चढेर जाँदै गर्दा आफैँ अनियन्त्रित भई दुर्घटना भएको थियो ।

महानगरीय प्रहरी परिसर भक्तपुरका प्रवक्ता डिएसपी दीपक गिरीका अनुसार दुर्घटनामा गम्भीर घाइते बनेका तामाङलाई उपचारका लागि मध्यपुर अस्पताल लगिएको थियो ।

त्यहाँ उपचार सम्भव नभएपछि थप उपचारका लागि नर्भिक अस्पताल पुऱ्याइएको थियो ।

उपचारकै क्रममा उनको मृत्यु भएको डिएसपी गिरीले जानकारी दिए ।

दुर्घटनाका विषयमा थप अनुसन्धान भइरहेको प्रहरीले जनाएको छ ।

#दुर्घटना # चालक

रिलेटेड न्युज