- वि.सं २o८१ जेठ १ मंगलबार
जिल्लाको बर्तुङ–रिडी सडकमा आजदेखि दैनिक १३ घन्टा सवारी आवागमन बन्द गरिएको छ । सडकको हार्थोक–मालमुल–जोर्ते खण्डको मोड सुधार तथा सडक स्तरोन्नतिका लागि सवारी आवागमन बन्द गरिएको हो ।
सडक डिभिजन कार्यालय पाल्पाले आज (मंगलबार)देखि कात्तिक २७ गते बिहीबारसम्म र मंसिर २ देखि १३ गतेसम्म दैनिक १३ घन्टा सडकमा सवारी आवागमन बन्द रहने जनाएको छ ।
सवारी आवागमन प्रत्येक दिन बिहान ३ बजेदेखि ६ बजेसम्म, बिहान ७ बजेदेखि ९ बजेसम्म, दिउँसो १२ बजेदेखि ४ बजेसम्म, साँझ ७ बजेदेखि ८ बजेसम्म, साँझ ९ बजेदेखि १२ बजेसम्म बन्द रहनेछ ।
यी समयबाहेक अन्य समयमा भने सवारी आवागमन यथावत् सञ्चालन हुनेछन् ।
