- वि.सं २o८१ जेठ १ मंगलबार
देशभर पछिल्लो २४ घन्टामा चार हजार तीन सय ६४ जना नयाँ कोरोना संक्रमित थपिएका छन् ।
जसमध्ये काठमाडौं उपत्यकामा दुई हजार पाँच सय ४० जना रहेका छन् । याेसँगै अहिलेसम्म ९८ हजार ६ सय १७ जनामा काेराेना संक्रमण भएकाे छ ।
यस अवधिमा २६ सय ७५ जना डिस्चार्ज भएका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए । उनले अहिलेसम्म ७१ हजार तीन सय ४३ जना डिस्चार्ज भएको जानकारी दिए ।
काठमाडौंमा एक हप्ताभित्र १० हजारभन्दा बढी संक्रमण बढेको भन्दै प्रवक्ता डा. गौतमले स्वास्थ्य मापदण्ड पूरा पालना नभएको देखिएको बताए ।
हाल देशभर २६ हजार ६ सय ८४ सक्रिय संक्रमित रहेको मन्त्रालयले जनाएको छ । त्यसमध्ये ११ हजार सात सय १७ आइसोलेसनमा रहेका छन् ।
होम आइसोलेसनमा देशभर १४ हजार नाै सय ६७ रहेको डा. गौतमले जानकारी दिए ।
पछिल्लो २४ घन्टामा १८ हजार चार सय ७२ पिसिआर परीक्षण भएको उनले बताए ।
