निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ भदौ २ बिहीबार
  • Thursday, 18 August, 2022
२०७७ भदौ १९ शुक्रबार २१:००:००
Read Time : < 1 मिनेट
समाचार डिजिटल संस्करण

गोलबजार नगरले आफ्नै लगानीमा कोभिड अस्पताल निर्माण थाल्यो

Read Time : < 1 मिनेट
२०७७ भदौ १९ शुक्रबार २१:००:००

सिराहाको गोलबजार नगरपालिकाले आफ्नै लगानीमा कोराना अस्पताल तथा आइसोलेसन भवन निर्माण थालेको छ । गोलबजार नगरपालिका– ४ चोहर्वामा नगरप्रमुख देवनाथ साह, उपप्रमुख रेशमकुमारी थापाले शुक्रबार ५० शय्याको कोरोना अस्पतालको शिलान्यास गरेका छन् ।

कोरोना विशेष अस्पताल र आइसोलेसन सेन्टर अभावमा कोरोना संक्रमितले समस्या झेल्नुपरेको गुनासो गरेपछि नगरपालिकाले आफ्नै लगानीमा अस्पताल निर्माण थालिएको नगरप्रमुख साहले बताए । आर्थिक वर्ष ०७७/७८ को वडाका लागि विनियोजन गरिएको बजेट कटौती गरी सो बजेटले कोरोना अस्पताल र आइसोलेसन सेन्टर निर्माण थालेको बताए । गरी कम्तीमा एक महिनाभित्र अस्पताल र सेन्टर निर्माण गरी सञ्चालन गरिनेछ । उनले भने, ‘त्यसका लागि बजेट अपुग भए नगर कार्यपालिकाले स्रोत खोजी गरी तोकिएकै समयमा निर्माण सम्पन्न गर्ने लक्ष्य लिएको छ ।’

गोलबजार– ८ का बासिन्दा एवं पूर्वप्रशासक ललितबहादुर थापाले दिएको एक बिघा जग्गामा अस्पताल र आइसोलेसन सेन्टरको शिलान्यास गरिएको हो । करिब १० वर्षअघि अस्पताल निर्माणका लागि थापाले सो जग्गा दान दिएका थिए ।