निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १९ बुधबार
  • Wednesday, 05 October, 2022
नयाँ पत्रिका
२०७५ पौष २७ शुक्रबार ०९:४६:००
Read Time : < 1 मिनेट
अर्थ

कृषि अनुदान सहकारीमार्फत दिने तयारी : अर्थमन्त्री

Read Time : < 1 मिनेट
नयाँ पत्रिका
२०७५ पौष २७ शुक्रबार ०९:४६:००

सरकारले कृषि क्षेत्रमा जाने अनुदान सहकारीमार्फत दिने तयारी गरिरहेको अर्थमन्त्री डा. युवराज खतिवडाले बताएका छन । यस्तो अनुदान व्यक्तिगत रूपमा प्रदान गर्दा दुरुपयोग भएको भन्दै अर्थमन्त्री खतिवडाले कृषिमा मल, बिउविजन तथा प्रविधिमा दिइने अनुदान सहकारीमार्फत दिने गृहकार्य भइरहेको बताएका हुन् । 

राष्ट्रिय सहकारी महासंघको आयोजनामा बिहीबारदेखि सुरु भएको सहकारी उद्यम प्रवद्र्धन राष्ट्रिय कार्यशाला गोष्ठीको उद्घाटन गर्दै डा. खतिवडाले सहकारीमार्फत अनुदान जाँदा प्रभावकारी प्रयोग भई लगानीको प्रतिफल प्राप्त हुने विश्वास व्यक्त गरे ।

 अर्थमन्त्री खतिवडाले रासायनिक मल, यन्त्र उपकरण, शीतभण्डार वा अन्य प्रशोधनका लागि दिइने अनुदान सहकारीको माध्यमबाट जानुपर्ने र आधुनिकीकरणसहितको कृषि उद्यममा सरकारले सहयोग गर्ने प्रतिबद्धता व्यक्त गरे ।