मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० फाल्गुण ९ बुधबार
  • Wednesday, 21 February, 2024
नयाँ पत्रिका रुकुम पूर्व
२०७६ भदौ १२ बिहीबार १९:४१:००
Read Time : < 1 मिनेट
समाचार

हत्या आरोपमा तीन बालक पक्राउ

Read Time : < 1 मिनेट
नयाँ पत्रिका रुकुम पूर्व
२०७६ भदौ १२ बिहीबार १९:४१:००

पुथा उत्तरगङ्गा गाउँपालिका–८ गरालीका ७२ वर्षीय गङ्गे बोहोराको हत्या गरेको आरोपमा सोही ठाउँका तीन बालकलाई प्रहरीले पक्राउ गरेको छ । पक्राउ परेका सबै १८ वर्ष मुनी रहेको प्रहरीले जनाएको छ ।

रुकुम पूर्वका प्रहरी प्रमुख डिएसपी योगेन्द्रकुमार खड्काले प्रमाण भेटिएकाले तीन जना बालकलाई पक्राउ गरेको बताए । बालक भएकाले पक्राउ परेकाको नाम गोप्य राखिएको छ । बोहोराको ८ भदौमा खुकुरी र सनासो प्रहार गरी हत्या भएको थियो । हत्यामा संलग्न रहेको प्रमाण भेटिएपछि १० भदौमा स्थानीय बालकहरूलाई प्रहरीले पक्राउ गरेको हो । खड्काले बुधबार तीन जनालाई अदालतबाट म्याद लिएर अनुसन्धान भइरहेको बताए । 

‘पक्राउ परेका तीनै जना १८ वर्ष मुनिका छन्,’ उनले भने, ‘हत्याको कारण खुलेको छैन । गाली गरेको रिसमा हत्या गरेको हुन सक्ने प्रारम्भिक अनुसन्धानबाट देखिएकाे छ ।' उनीहरुको सुनुवाइ बाल इजलासमा हुने भएको छ ।