- वि.सं Invalid date format
जेनजी आन्दोलनपछि क्षतिग्रस्त बनेका भारततर्फका प्रमुख भन्सार कार्यालयहरू सहज रूपमा सञ्चालन हुँदै गएका छन् । भन्सार विभागका अनुसार आइतबारदेखि सबै भन्सार कार्यालयहरू सञ्चालनमा आउेछन् ।
विभागका सूचना अधिकारी किशोर बर्तौलाले प्रमुख व्यापारिक नाका वीरगन्जबाट बिहीबार साँझ ६ बजेसम्म अत्यावश्यक वस्तु बोकेका ८४ वटा मालवाहक सवारी साधन भित्रिएको जानकारी दिए । उनले भने, ‘बढी जसो ग्यास बुलेट, पेट्रोलजस्ता अत्यावश्यक सामान लिएर गाडी जाँचपास भएका छन् ।’
उनका अनुसार भैरहवाबाट १३ वटा ट्रक निर्यातका लागि जाँचपास भएका छन् । जेनजीको आन्दोलनका क्रममा मेची, भैरहवा, कैलाली र जनकपुरका भन्सार कार्यालय क्षतीग्रस्त भएका थिए । आइतबारसम्ममा यी कार्यालयहरू पूर्णरूपमा सञ्चालनमा आउने सूचना अधिकारी बर्तौलाको भनाइ छ ।
विभागका महानिर्देशक श्यामप्रसाद भण्डारीले भर्चुअल रूपमा भन्सार कार्यालयहरूसँग नियमित रूपमा सम्पर्कमा बसेको जानकारी दिए । उनले भने, ‘सोमबार र मंगलबार आयात–निर्यातमा समस्या थियो । तर अब सहज हुँदै गइरहेका छन् । अत्यावश्यक वस्तु निर्वाध रूपमा आयात भइरहेका छन् ।’
