- वि.सं २o८२ भदौ २६ बिहीबार
नेकपा एमालेका नेता गोकुल बाँस्कोटाले लोकतन्त्रको विकल्प लोकतन्त्र मात्र भएको उल्लेख गरेका छन्। बिहीबार सामाजिक सञ्जालमा स्टाटस लेख्दै नेता बाँस्कोटाले आफू सच्चिँदै अरूलाई पनि सच्याउनुपर्नेमा जोड दिए । राजनीतिक समस्याको समाधान संविधानबाहिरबाट हुन नसक्ने उनको भनाइ छ ।
उनले लेखेका छन्, ‘मरुभूमिको फ्याउरो दक्षिण एसियामा तीव्र वेगमा छ। हामी आफू सच्चिनुपर्छ र सच्याउनुपर्छ। तर, डेमोक्रेसीको विकल्प डेमोक्रेसी मात्र हो ।राजनीतिक समस्याको समाधान संविधानबाहिरबाट हुन सक्दैन। देश र डेमोक्रेसी हाइज्याक हुन सक्दैन। देश दशकअघि वा शतकपछि ? त्यो समयले प्रस्ट गर्छ।
