मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o८२ भदौ १५ आइतबार
  • Sunday, 31 August, 2025
नयाँ पत्रिका काठमाडौं
२o८२ भदौ १५ आइतबार २२:३५:oo
Read Time : < 1 मिनेट
समाचार

परीक्षा सार्न कलेजमा बम रहेको भनेर अफवाह फैलाउने व्यक्ति पक्राउ 

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८२ भदौ १५ आइतबार २२:३५:oo

काठमाडौंका विभिन्न स्कुल तथा कलेजमा बम रहेको भनेर प्रहरीलाई झुक्याउने युवक पक्राउ परेका छन् । काठमाडौं उपत्यका अपराध अनुसन्धान कार्यालयले महोत्तरी घर भई कीर्तिपुर बस्ने ३८ वर्षिय जयरुद्र झालाई पक्राउ गरेको हो । 

उनले शुक्रबार प्रहरीको हटलाइन १०० मा फोन गरी कुलेश्वर मावि लगायत ठाउँमा बम राखिएको र ४ बजे बिष्फोट हुने भनेर सूचना टिपाएका थिए । प्रहरी ती कलेजमा गएर चेकजाँच गर्दा केही भेटिएन । त्यो दिन ती स्कुल तथा कलेजमा परीक्षाको सेन्टर थियो । झा आफैं पनि स्नातकोत्तर तहको परीक्षार्थी थिए । परीक्षा दिन अल्छी लागेपछि उनले त्यसरी फोन गरेर आतंक मच्चाई परीक्षा सार्ने प्रयास गरेको अनुसन्धानमा आबद्ध प्रहरी अधिकारीले बताए । उनी एक निजी कम्पनीका कामदार हुन् । पक्राउपछि उने आरोप स्वीकार गरेका छन् ।