- वि.सं Invalid date format
लुम्बिनी प्रदेश सभा सदस्य सरिता पुनको शनिबार निधन भएको छ । उपचारका क्रममा काठमाडौंस्थित शिक्षण अस्पताल महाराजगन्जस्थित मनमोहन कार्डियोथोरासिक सेन्टरमा निधन भएको लुम्बिनी प्रदेश सभामा एमालेका प्रमुख सचेतक तुलसीप्रसाद चौधरीले बताए।
पूर्वीरुकुम तकसेरानिवासी पुनलाई उपचारका लागि काठमाडौं लगिएकोमा उपचारकै क्रममा निधन भएको छ।
अस्पतालमा एकैपटक दुईवटा मेजर अपरेसन गरिएको थियो। पहिलो अपरेसनमार्फत उनले छोरीलाई जन्म दिएकी थिइन् भने दोस्रो अपरेसन गरी मुटुमा कृत्रिम भल्भ प्रत्यारोपण गरिएको थियो। प्रमुख सचेतक चौधरीका अनुसार पुनलाई पहिलादेखि नै मुटुसम्बन्धी रोग थियो। एमाले नेतृ पुन एमालेबाट समानुपातिक निर्वाचन प्रणालीमार्फत प्रदेश सभा सदस्य चुनिएकी थिइन्।
