- वि.सं २o८२ भदौ १४ शनिबार
भौतिक पूर्वाधार तथा यातायातमन्त्री देवेन्द्र दाहालले रोजगारी सिर्जना र प्रवर्द्धन हुने कार्यक्रमलाई प्राथमिकता दिएको बताएका छन्।
शनिबार काठमाडौंमा आयोजित विद्युतीय परिवहन प्रालिको विशेष साधारणसभालाई सम्बोधन गर्दै उनले रोजगारी प्रवर्द्धनका लागि विभिन्न तालिम, प्रशिक्षण तथा सिप हस्तान्तरणका कार्यक्रम सञ्चालन गरिरहेको पनि बताए।
वातावरणमैत्री र स्वच्छ ऊर्जाको उपयोग गरी थप रोजगारी सिर्जनातर्फ लाग्नुपर्ने उनले उल्लेख गरे। स्वदेशमै उत्पादित विद्युतको उपयोग प्रवर्द्धन गरि नेपाली मुद्रा विदेश जानबाट रोक्न सकिनेतर्फ ध्यान दिने वेला आएको पनि मन्त्री दाहालले बताए।
विद्युतीय परिवहनको माध्यमबाट नेपाली महिला तथा युवाहरू स्वरोजगारसमेत भइरहेकाले यस क्षेत्रलाई आवश्यक नियम बनाई थप व्यवस्थित पारिनेसमेत उनले उल्लेख गरे।
