- वि.सं २o८२ भदौ १४ शनिबार
पुर्व प्रधानमन्त्री लोकेन्द्रबहादुर चन्दको नयाँ कृति ‘बदलिँदो समयचक्र’ प्रकाशन हुने भएको छ । मदन पुरस्कार बिजेता समेत रहेका चन्दको उपन्यास सामाजिक कथावस्तुमा रचिएको छ ।
कृति १४४ पेजको रहेको छ भने उपन्यासलाई २५ उप–शीर्षकमा बाँढिएको छ । नेपाली सहित्य क्षेत्रलाई दर्जनौ कृती दिएका चन्दको यसअघि विभिन्न कथा, नाटक, र उपन्याससङ्ग्रह प्रकाशित भएका छन्। चन्दको बिसर्जन कथासंग्रहले २०५४ सालमा मदन पुरस्कर प्राप्त गरेको थियो। अपराजिता , बार्हौ खेलाडी, रात्री भोज, हिउँको तन्ना, नेताको साथी जस्ता चर्चित पुस्तकहरु चन्दका प्रकाशित छन् । ‘बदलिँदो समयचक्र’ उपन्यास सम्बर्द्धन पब्लिकेसन्सले प्रकाशन गरेको हो ।
प्रकाशनका राधाकृष्ण बिष्टका अनुसार आउँदो भदौ २० गते बिमोचनको तयारी छ।
