- वि.सं Invalid date format
नेपालले मलेसियाको क्वालालम्पुरमा आयोजना हुने विश्व युथ स्क्रेबल च्याम्पियनसिपमा प्रतिस्पर्धा गर्ने भएको छ । प्रतियोगितामा सहभागिता जनाउन बिहीबार १४ खेलाडीसहित १८ सदस्यीय नेपाली टोली त्यसतर्फ प्रस्थान गरेको छ ।
नेपाली टोलीमा अर्नव पाण्डे, प्रसिद्ध तिमल्सिना, नीराजन पौडेल, प्रियन दाहाल, नित्यन्त चौलागाईं, त्रिसंगी श्रेष्ठ, सम्यम केसी र जेशिका श्रेष्ठ छन् । यसैगरी, खुसी श्रेष्ठ, युव श्रेष्ठ, तुसान खतिवडा, आयाम सापकोटा, आदित्यजंग मल्ल र सम्यम शर्माले नेपालको चुनौती प्रस्तुत गर्नेछन् । यू–१६ उमेर समूहको प्रतियोगितामा २४ चरणका खेल हुनेछन् ।
विश्व इंग्लिस स्क्रेबल प्लेयर एसोसिएसन (वेस्पा)को आयोजनामा हुने प्रतियोगितामा नेपाली टोलीका प्रशिक्षकमा अर्जुन पाण्डे, प्रशान्त दाहाल र विनय श्रेष्ठ छन् । राष्ट्रिय खेलकुद परिषद्का सदस्यसचिव टंकलाल घिसिङले टोलीको बिदाइ गरेका छन् । स्क्रेबल क्लब प्रदेश खेलकुद परिषद्, गण्डकीमा दर्ता रहेको क्लबका अध्यक्ष केशवप्रसाद पराजुलीले जनाएका छन् । स्क्रेबल अक्षरबाट शब्द बनाएर खेलिने खेल हो ।
