- वि.सं २o८२ भदौ १३ शुक्रबार
मञ्जु विष्टको डेब्यु म्युजिक भिडियो ‘भए तिम्रै हुने हो’ शुक्रबार सार्वजनिक गरिएको छ। पोखरालाई कार्यक्षेत्र बनाई व्यवसायमा सक्रिय विष्टले यसै गीतमार्फत सांगीतिक क्षेत्रमा प्रवेश गरेकी हुन्।
प्रशान्त पौडेलेको स्वर, शब्द तथा संगीत रहेको गीतमा फिमेल भोकलमा बेनिशा पौडेलको स्वर सुन्न पाइन्छ। भिडियो गायककै युट्युब च्यानलबाट सार्वजनिक भएको हो।
अनिन के मानन्धरको निर्देशन तथा छायांकन रहेको भिडियोमा सियोन श्रेष्ठको कोरियोग्राफी छ। त्यस्तै दृश्य सम्पादन दिनशन शाह र मिक्सिङ नरेन्द्र वियोगीले गरेका छन्। भिडियोलाई विष्टले नै सञ्चालन गर्दै आइरहेको ओएसिस क्रियसनले प्रस्तुत गरेको हो।
डेढ दशकदेखि नेपाली गीत–संगीतमा काम गर्दै आएका गायक पौडेलको गीत ‘सान्नानी’ यसअघि नै करोड क्लबमा प्रवेश गरिसकेको छ।
