- वि.सं Invalid date format
नेपाललाई पाकिस्तान शाहिन्सले टप एन्ड टी–२० शृंखलामा १४५ रन लक्ष्य दिएको छ ।
शुक्रबार डार्बिनको मरारा क्रिकेट ग्राउन्ड २ मा टस जितेर ब्याटिङ रोजेको पाकिस्तानले निर्धारित २० ओभरमा नाै विकेट गुमाउँदै १४४ रन बनायो ।
पाकिस्तानका लागि कप्तान इरफान खानले अविजित ४२ रन बनाए । अब्दुल समादले २६, मोहम्मद वासिमले २३, यासिर खानले १८ र मेहरन मुम्ताजले १० रन बनाए ।
नेपालका लागि सोमपाल कामीले तीन, नन्दन यादव र दीपेन्द्रसिंह ऐरीले समान दुई तथा कुशल भुर्तेलले एक विकेट लिए ।
यसअघि लगातार तीन खेलमा पराजित नेपालले पछिल्लो दुई खेल जितेको थियो । पहिलो खेलमा नर्दन टेरिटोरी स्ट्राइकरसँग ४२, दोस्रो खेलमा बंगलादेश ‘ए’सँग ३२ र मेलबर्न स्टार्स एकेडेमीसँग ३१ रनले पराजित भएको हो । नेपालले चौथो खेलमा होबर्ट हुरिक्यान्स एकेडेमीविरुद्ध ६६ र मेलबर्न रेनेगेड्स एकेडेमीविरुद्ध ३३ रनको जित निकालेको थियो ।
