- वि.सं २o८२ श्रावण १८ आइतबार
आगामी भदौ ६ गतेदेखि प्रदर्शनमा आउन लागेको चलचित्र ‘ताराहरू’को नयाँ पोस्टर सार्वजनिक भएको छ। पोस्टरमा आन्तरिक द्वन्द्वमा अल्झिएका चरित्रहरू देखिएका छन्।
यसअघि फिल्मका दुईवटा पोस्टर सार्वजनिक भएकोमा यो फाइनल पोस्टर रहेको निर्माण पक्षले जनाएको छ। पोस्टरमा अभिनेता आशान्त शर्मा अशान्त र मानसिक रूपमा विचलित देखिन्छन् भने साथमा देखिएकी अभिनेत्री मेनुका प्रधानको चरित्रले भने केही भिन्नताको आभास दिन्छ।
चलचित्रको निर्देशकसमेत रहेका शर्माका अनुसार ‘ताराहरू’ मध्यम वर्गीय परिवारको कथामा आधारित छ। विशेषतः सहरको निम्नमध्यम वर्गीय परिवारको कथा चलचित्रमा देखाइएको उनको भनाइ छ।
चलचित्रमा शर्मासँगै कुन्दुन शाक्य, मीरा खड्का, प्रभाकर न्यौपाने, आभास अधिकारी, राज पंगेनी शर्मा, प्रमोद बाबु, विकास खनाललगायतको अभिनय छ। गोपिनी सेढाईं र कृष्णप्रसाद पंगेनी निर्माता रहेको फिल्म वेज प्रालिले निर्माण गरेको हो।
