- वि.सं २o८२ असार १७ मंगलबार
कैलालीमा लागुऔषध अफिमसहित तीनजना पक्राउ परेका छन् । जिल्ला प्रहरी कार्यालयका अनुसार उनीहरूको साथबाट दुई किलो ७१४ ग्राम अफिम बरामद गरिएको छ ।
घोडाघोडी नगरपालिका– १, सुखडस्थित पञ्जकोशी होटेलबाट हुम्लाको सुर्केगाड गाउँपालिका– ५ का ३२ वर्षीय लोकेन्द्रबहादुर शाही, २७ वर्षका सालु शाही र रोल्पाको सुनछहारी गाउँपालिका– ७ की ३२ वर्षीया पूर्णिमा पुनमगरलाई पक्राउ गरिएको जिल्ला प्रहरी कार्यालयका प्रहरी नायब उपरीक्षक राजकुमार सिंहले जानकारी दिए ।
पक्राउ परेकाहरूलाई इलाका प्रहरी कार्यालय सुखडको नियन्त्रणमा राखेर आवश्यक कारबाही प्रक्रिया अगाडि बढाइएको प्रहरी नायब उपरीक्षक सिंहले बताए ।
