जेठ १० देखि १६ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको जेठ १० गते शनिबारदेखि जेठ १६ गते शुक्रबारसम्मको साप्ताहिक राशिफल पढ्नुहोस्

मेष (चु, चे, चो, ला, लि, लु, ले, लो, अ) : साताको प्रारम्भमा नयाँ जिम्मेवारीका साथ नयाँ कार्य प्रारम्भ हुनेछ । धर्मकर्म तथा समाजसेवामा मन लागिरहनेछ ।आफ्नो क्षेत्रमा प्रभुत्व जमाउन सकिनेछ । साताको मध्यमा कुनै कुराले मनमा शान्ति छाउनेछ । साताको अन्त्यमा लामो समयदेखि रोकिएका अधुरा कार्यले पूर्णता पाउनेछन् ।

वृष (इ, उ, ए, ओ, बा, बि, बु, बे, बो) : साताको प्रारम्भमा नयाँ सवारीसाधन खरिद–बिक्रीको योग रहेको छ । आर्थिक कारोबारमा सफलता मिल्नेछ । वैदेशिक क्षेत्रसँग संम्बन्धित कार्य अघि बढ्नेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । सेयरको कारोबारबाट सफलता मिल्नेछ । यात्रा र घुमफिरको योग पनि जुरेको छ । आफन्तहरूको सहयोगमा महत्वपूर्ण कार्य सफल हुनेछ ।

मिथुन (का, कि, कु, घ, ङ, छ, के, को, ह) : मिहिनेतपूर्वक काम गर्दा चिताएको फल प्राप्त हुनेछ । शत्रु र प्रतिस्पर्धीहरू पछिपरे पनि ईष्र्यालु आफन्तले काम बिगार्न सक्छन् । व्यापार–व्यवसायमा वृद्धि हुनुका साथै आम्दानीका स्रोत पनि बढ्नेछ । बुधबारबाट इच्छा र आकांक्षा पूर्ण हुनेछ । आकस्मिक धनलाभ हुनेछ । सप्ताहान्तमा प्रतिस्पर्धीहरू पराजित हुनेछन् र मनग्ये धनलाभ पनि हुनेछ ।

कर्कट (हि, हु, हे, हो, डा, डि, डु, डे, डो) : साताको प्रारम्भमा स्वास्थ्यको भने विशेष ख्याल राख्नुपर्ने देखिन्छ । स्वास्थ्यका लागि खानपानमा सजग रहनुहोला । शुभकार्यको चर्चा चलिरहनेछ । रमाइलो यात्राको योग रहेको छ । प्रेमजीवन सफल र सुखद रहने देखिन्छ । नयाँ कामको थालनी र व्यापार–व्यवसायमा सफलता पाइनेछ ।

सिंह (मा, मि, मु, मे, मो, टा, टि, टु, टे) : सहकर्मीबाट विरोध र कार्य अवरोधले मनमा अशान्ति बढ्नेछ । आर्थिक कारोबारमा विवाद आउनेछ । स्वास्थ्यमा सामान्य समस्या आउन सक्नेछ । बुधबारबाट इच्छा र आकांक्षा पूर्ण हुनेछ । सेयर कारोबारबाट सोचेअनुरूप सफलता मिल्नेछ । खर्च बढ्ने योग रहेको छ । दिगो फाइदा हुने काम प्रारम्भ गर्न सकिनेछ । नाम, दाम र इनाम प्राप्त हुनेछ ।

कन्या (टो, प, पि, पु, ष, ण, ठ, पे, पो) : धार्मिक तथा समाजसेवामा मन लाग्नेछ । लामो समयदेखि रोकिएका कामहरू सुचारु हुनेछन् । बुधबारदेखि मनमा निराशा र शरीरमा आलस्यताका कारण काम अवरुद्ध हुने योग रहेको छ । आफ्नो विचारविपरीत निर्णय हुन सक्छ । गरेका काममा ढिलासुस्ती हुनेछ । साझेदारीको काममा उल्झन आउने र प्रेममा दूरीसमेत आउन सक्छ । विशेष सावधानी अपनाउनु पर्नेछ ।

तुला (र, रि, रु, रे, रो, ता, ति, तु, ते) : हिम्मत गर्दा जटिल कामसमेत सजिलै सम्पादन हुनेछ । लगनशीलताले प्रतिष्ठित काम गर्ने मौका दिलाउनेछ । काममा अभिप्रेरित गर्नेहरू प्रशस्तै भेटिनेछन् । रमाइलो जमघटका बिच स्वादिष्ट खानपानको आनन्द प्राप्त हुनेछ । बोलीको भरमा चिताएको काम बन्न सक्छ । मानसम्मानसमेत प्राप्त हुनेछ । साताको अन्त्यमा घरायसी झैझमेलाबाट जोगिनुपर्नेछ । 

वृश्चिक (तो, ना, नि, नु, ने, नो, या, यि, यु) : यो सातामा महिला वर्गबाट विशेष सहयोग मिल्नेछ । वैदेशिक क्षेत्रबाट सफलता मिल्नेछ । विश्वास गरेकाले साथ दिनेछन् । अतिथिको रूपमा सत्कार पाइनेछ । पुँजीबजार या वित्तीय संस्थाबाट राम्रै लाभ मिल्नेछ । ढिलै भए पनि चिताएको काम बन्नेछ र बुद्धिको उपयोगले दिगो फाइदा दिलाउन सक्छ । विशेष उपहार प्राप्त हुने योग जुरेको छ ।

धनु (ये, यो, भ, भि, भु, ध, फा, ढ, भे) : साताको प्रारम्भमा आर्थिक झन्झट आइलाग्न सक्छ, तर अन्तिममा कार्य सफलता मिल्नेछ । स्वास्थ्यको क्षेत्रमा पनि प्रतिकूल हुने देखिन्छ । मिहिनेत गर्दा पहिले रोकिएको प्रतिफल प्राप्त हुनेछ । मानसम्मान पाइनुका साथै विशेष उपहार प्राप्त हुनेछ । साताको अन्त्यमा धर्म तथा समाजसेवामा मन लाग्नेछ । लामो समयदेखि रोकिएका अधुरा काम पूरा हुनेछन् । 

मकर (भो, ज, जि, खि, खु, खे, खो, गा, गि) : साताको सुरुमा रमाइलो यात्राको योग रहेको छ । आँटेको र सोचेका कार्य पूरा हुनेछन् । सामाजिक तथा धार्मिक कार्यमा रुचि बढ्नेछ । लगनशीलताले काम अगाडि बढ्नेछन् । साताको अन्त्यमा बाटो काट्दा वा यात्रा गर्दा सचेत हुनुपर्नेछ । स्थानान्तरण र टाढाको यात्रा गर्ने योग  रहेको छ ।

कुम्भ (गु, गे, गो, सा, सि, सु, से, सो, द) : साताको सुरुवातमा वैदेशिक यात्राको अवसर जुर्नेछ । नयाँ जागिरको थालनी हुनुका साथै शिक्षामा सफलता पनि मिल्नेछ । साताको उत्तराद्र्धमा प्रतिद्वन्द्वीहरूले कार्यमा अवरोध ल्याउन सक्छन् । पुँजीबजारले पनि सोचेअनुसार साथ नदिन सक्छ । मानप्रतिष्ठा र ख्याति बढ्ने समय आएको छ । सामाजिक काममा संलग्न हुनुपर्ला । 

मीन (दि, दु, थ, झ, ञ, दे, दो, च, चि) : व्यापार–व्यवसायमा विशेष लाभ मिल्ने समय छ । व्यावसायिक यात्राको सम्भावना रहेको छ । दाम्पत्य जीवन सुखद तथा समृद्ध बन्ने देखिन्छ । नसोचेको ठाउँबाट धनआर्जन हुनेछ । वैदेशिक क्षेत्रबाट सफलता मिल्नेछ । कलासाहित्य तथा संगीतमा रुचि बढ्नेछ । प्रेमीको सहयोग पनि पाइनेछ ।