Skip This
नेपाल धितोपत्र बोर्डले नेपाल इन्फ्रास्ट्रक्चर बैंक लिमिटेड (निफ्रा)लाई पाँच अर्ब रुपैयाँबराबरको ‘निफ्रा ऊर्जा ऋणपत्र’ बिक्री गर्न स्वीकृत दिएको छ । बोर्डले मंगलबार निफ्रालाई प्रतियुनिट एक हजार रुपैयाँमा ५० लाख युनिट ऋणपत्र बिक्री गर्न अनुमति दिएको हो ।
सात वर्षको समयावधि तोकिएको ऋणपत्रमा ६ प्रतिशत ब्याज दिनेछ । यसलाई बोर्डले ‘ग्रिन बोन्ड’ अर्थात् हरित कोषका रूपमा परिभाषित गरेको छ । यसले नेपालमा हरित अर्थतन्त्र विकास गर्न सहयोग पुग्ने बोर्डको भनाइ छ । नेपालमा पहिलोपटक हरित कोष जारी गर्न बोर्डले स्वीकृति दिएको हो ।
