- वि.सं Invalid date format
स्वास्थ्यमा समस्या देखिएपछि धनगढी उपमहानगरपालिकाका मेयर गोपाल हमाललाई थप उपचारका लागि आज नयाँ दिल्ली लगिएको छ।
नगरप्रमुख हमालको सचिवालयका प्रमुख कृपाराम उपाध्यायका अनुसार गएराति श्वास फेर्न र मस्तिष्कमा समस्या देखिएपछि थप उपचारका लागि आज नयाँ दिल्ली लगिएको हो। श्वास फेर्न समस्या भएपछि गएराति नै हमाललाई धनगढीस्थित माया मेट्रो अस्पतालमा उपचारका लागि भर्ना गरिएको थियो। विसं २०७९ को स्थानीय तहको निर्वाचनमा स्वतन्त्र उम्मेदवारी दिएर उनी नगर प्रमुखमा निर्वाचित भएका थिए। रासस
