Read Time : < 1 मिनेट
२o८१ जेठ १३ आइतबार १४:o४:oo
राष्ट्रिय स्वतन्त्र पार्टीका उपसभापति स्वर्णिम वाग्लेले सरकारको नीति तथा कार्यक्रममा पूर्णसमर्थन रहेकाे जनाएका छन्।
आइतबारको प्रतिनिधिसभा बैठकमा नीति तथा कार्यक्रममाथिको छलफलमा भाग लिँदै उनले आर्थिक शिथिलता चिर्दै दिगो रोजगार वृद्धिको जग बसाल्ने, राजस्व बढाउने, खर्चको बेमेल मिलाउने सामाजिक रूपान्तरणको जग अगाडि बढाउनेलगायत विषयमा केन्द्रित रहेर बजेट ल्याउन सुझाव दिए।
सदन खुलाउने र सहकारीको समस्या समाधानका लागि संसदीय छानबिन समिति बनाउन दलहरू सहमतिनजिक पुगेको उल्लेख गर्दै उनले प्रमुख प्रतिपक्षी दल कांग्रेसको नाराबाजीप्रति कडा टिप्पणी गरे।
उनले भने, ‘नीति तथा कार्यक्रमअनुसार बजेट बन्नेछ भन्ने विश्वास छ। संसदीय समितिको कार्यादेशमा सहमति भइरहेको छ। छलफलमा एक–दुईवटा शब्दले अड्किएको छ। संसदमा भइरहेको विरोध लज्जास्पद,औचित्यहीन हो।’