Skip This
मधेशका बासिन्दा पानी माग्दै २५ दिन पैदल हिँडेर काठमाडौं पुगेका छन् । वनजंगलसहित चुरे विनाश र जथाभावी ढुंगा, गिटी झिक्दा तराई–मधेशमा पानीको समस्या बढेपछि ‘चुरे संरक्षण पदयात्रा’ काठमाडौंमा पुगेको हो ।
चुरे तथा वनजंगल संरक्षण अभियानको ब्यानरमा १६ वैशाखमा मधेश प्रदेशका धनुषा, सिराहा, रौतहटलगायत क्षेत्रबाट आएका २३ जनाले माइतीघरमा प्रदर्शन गरेका हुन् ।
बिहीबार बिहानै कलंकीबाट माइतीघर पुगेकाहरूले भाँडामा ‘मधेशलाई मरुभूमि हुनबाट बचाऊ, मधेशमा पानीको हाहाकार, जिम्मेवार को ?, पानीका लागि रुख बचाऊँ, पानी दे सरकार, चुरे र वनको संरक्षण गर’लगायतका नारा लेखेका छन् । पानी माग्दै ०८० असारमा वीरगन्जदेखि काठमाडौं ११ दिनमा, त्यसपछि ०८० माघमा सप्तरीदेखि वीरगन्जसम्म ११ दिन पैदल यात्रा गरेका थिए ।
