सभामुख देवराज घिमिरेले बाेलाएकाे प्रधानमन्त्रीसहित प्रमुख दलका शीर्ष नेताहरूकाे बैठक सुरु भएकाे छ।
मंगलबार बिहान साढे ११ बजे सिंहदरबारस्थित सभामुखको कार्यकक्षमा प्रधानमन्त्रीसहित प्रमुख दलका शीर्ष नेताहरूकाे बैठक सुरु भएकाे हाे।
संसद्को बर्खे अधिवेशन आगामी २८ वैशाखदेखि सुरु हुँदै छ। बैठकमा बर्खे अधिवेशन सुरु हुनुअघि नै सहमति जुटाउन सभामुख घिमिरेले शीर्ष नेताहरूसँग संसद्काे अवराेध अन्त्य गर्ने प्रयास जारी राखेका छन्।
बैठकमा प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली, कांग्रेसका सभापति शेरबहादुर देउवा, राष्ट्रिय स्वतन्त्र पार्टीका सभापति रवि लामिछाने र राष्ट्रिय प्रजातन्त्र पार्टीका अध्यक्ष राजेन्द्र लिङ्देनलगायतका नेता उपस्थित छन्।
सहकारी प्रकरणमा रास्वपा सभापतिसमेत रहेका उपप्रधानमन्त्री एवं गृहमन्त्री रवि लामिछानेको संलग्नता सम्बन्धमा छानबिन गर्न संसदीय छानबिन समितिको माग गर्दै प्रमुख विपक्षी कांग्रेसले अघिल्लो अधिवेशनको अन्त्यतिर निरन्तर बैठक अवरोध गरेको थियो।