अफगानिस्तानमा भारी वर्षापछिको बाढीले कम्तीमा १४ जनाको ज्यान गएको छ भने एकजना बेपत्ता छन्।
विपत् व्यवस्थापन मामिला राज्य मन्त्रालयका प्रवक्ता जनान साइकका अनुसार १४ प्रान्तमा वर्षाका कारण एक सय ४० आवासीय घरमा क्षति पुगेको छ भने दुई हजारभन्दा बढी पशुचौपाया मरेका छन्।
टोलो न्युजका अनुसार बाढीले सयौँ आवासीय घर पूर्ण वा आंशिक रूपमा क्षतिग्रस्त भएका छन् भने बदख्सान, तखर, घोर र नुरिस्तान प्रान्त जोड्ने मुख्य सडकमा भूस्खलन हुँदा अवरुद्ध भएका छन्।
बाढीबाट भएको जनधनको क्षतिलाई तत्काल सम्बोधन गर्न सरकारसमक्ष नागरिकले आग्रह गरेका छन्।