१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ १० बिहीबार
  • Thursday, 23 May, 2024
नयाँ पत्रिका काठमाडाैं
२o८१ जेठ १० बिहीबार o८:५५:oo
Read Time : > 1 मिनेट
ad
ad
खेलकुद प्रिन्ट संस्करण

आरसी ३२ को लगातार तेस्रो जित

Read Time : > 1 मिनेट
नयाँ पत्रिका, काठमाडाैं
नयाँ पत्रिका
२o८१ जेठ १० बिहीबार o८:५५:oo

सहिद स्मारक ‘सी’ डिभिजन लिगमा आरसी ३२ फुटबल एकेडेमीले लगातार तेस्रो जित निकालेको छ । मंगलबार सातदोबाटोस्थित एन्फा मुख्यालयमा आरसी ३२ ले महावीर क्लबलाई १–० ले पराजित गरेको हो । सुर्खेतको आरसी ३२ को जितमा विवेक राईले निर्णायक गोल गरे ।

कप्तान रोहन कार्कीको फ्रिकिक महावीरका गोलकिपर आसिव राईले क्लियर गर्न सकेनन् । सोही बललाई बक्स भित्रबाट विवेकले जाली चुमाएका हुन् । बाँकी समय दुबै टोलीले गोलका अवसर बनाएपछि सदुपयोग गर्न सकेनन् । लगातार तेस्रो जितपछि आरसी ३२ ले ९ अंकसहित शीर्षस्थान बनाएको छ ।

महावीरको भने यो पहिलो हार हो । यसअघि टोलीले दुवै खेल बराबरी खेलेको थियो । महावीर यसअघि रानीवन स्पोर्टस् क्बसँग १–१ तथा खालीबारी युथ क्लबसँग गोलरहित बराबरीमा रोकिएको थियो । यता, आरसी ३२ ले खालीबारी फुटबल क्लबलाई १–० र बागमती युवा क्लबलाई ३–० ले पराजित गरेको हो । राष्ट्रिय टोलीका सदस्य रोहनको कप्तानीमा रहेको आरसी ३२ ‘बी’ डिभिजन लिगमा बढुवा हुने योजनामा छ । 

बागमती सफल
सर्लाहीको बागमती युवा क्लबले लिगमा दोस्रो जित निकालेको छ । एन्फा मुख्यालयमा भएको दिनको दोस्रो खेलमा बागमतीले सामाजिक युथ क्लबलाई २–० ले पराजित गरेको हो । बागमतीलाई जितम निर्मल बल र सनम धिमालले गोल गरे । जितसँगै ‘बी’ डिभिजनमा बढुवा हुने योजना बनाएको बागमतीले तीन खेलबाट ६ अंक जोडेको छ । यसअघि बागमतीले पहिलो खेलमा सानेपा क्लबलाई ३–१ ले पराजित गरेको थियो । दोस्रो खेलमा भने आरसी ३२ सँग पराजित भएको हो । पराजित सामाजिकको तीन खेलबाट मात्र एक अंक छ ।

टोली अझै जितविहीन छ । सामाजिक यसअघि पुल्चोक स्पोटर्स् क्लबसँग ३–० ले पराजित हुँदा सानेपासँग १–१ को बराबरी रोकिएको थियो । बागमतीको जितमा सातौँ मिनेटमा निर्मलले अग्रता बनाएका हुन् । ३४औँ मिनेटमा सनमले अग्रता २–० को बनाउँदै सहज जित दिलाएका हुन् । 

ad
ad