- वि.सं २o८१ बैशाख १७ सोमबार
वीरगन्ज महानगरपालिका– १५ भेडीहारीमा रहेकोे नेसनल मेडिकल कलेज तथा शिक्षण अस्पतालका कर्मचारीहरूले पक्राउ परेका प्रबन्ध–निर्देशक र ल्याब प्रमुखको रिहाइको माग राख्दै प्रदर्शन गरेका छन्।
कर्मचारीहरूले जिल्ला प्रहरी कार्यालय पर्साको अगाडि कलेजका प्रबन्ध–निर्देशक शाहनवाज अन्सारी र ल्याब प्रमुख सञ्जय साहलाई रिहा गर्न माग गर्दै प्रदर्शन गरेका हुन्।
मेडिकल कलेजले म्याद गुज्रिएका सामग्री प्रयोग गर्ने गरेको गुनासो आएपछि प्रहरीले सोमबार दिउँसो मेडिकल कलेजका प्रबन्ध–निर्देशक अन्सारी र ल्याब प्रमुख साहलाई नियन्त्रणमा लिएको थियो। पर्सा प्रहरीले नेसनल मेडिकल कलेजबाट पक्राउ परेकाहरूमाथि अनुसन्धान भइरहेको जनाएको छ।
