- वि.सं २o८१ बैशाख १७ सोमबार
काठमाडौं उपत्यकाको १८ स्थानीय तहको फोहोर व्यवस्थापन हुँदै आएको बन्चरेडाँडा ल्यान्डफिल क्षेत्रका बासिन्दाले फेरि आन्दोलन गर्ने भएका छन् । स्थानीयवासीसँग केन्द्र सरकार, काठमाडौं महानगरपालिका र अरू स्थानीय तहले गरेको सहमति कार्यान्वयन नभएको भन्दै उनीहरू आगामी शनिबार (२४ चैत)देखि आन्दोलनमा उत्रिन लागेका हुन् । शनिबारदेखि नै उनीहरूले फोहोर बोकेका कुनै पनि गाडी बन्चरेडाँडा जान नदिने घोषणा गरेका छन् ।
यसपटक पूर्वसहमति कार्यान्वयनको चरणमा नपुगुन्जेल चरणबद्ध आन्दोलन गर्ने र फोहोरमैला बोकेका गाडीलाई प्रवेश निषेध गर्ने बन्चरेडाँडा ल्यान्डफिल साइट प्रभावित क्षेत्र सरोकार समितिका संयोजक श्रीराम ढुंगानाले बताए ।
‘नेपाल सरकार र काठमाडौं महानगरपालिकासमेतका फोहोरमैला ढुवानी गर्ने सवारीसाधनको असावधानीका कारण दर्जनौँ स्थानीयवासीको मृत्यु भएको, सयौँको संख्यामा क्यान्सरजस्ता प्राणघातक रोग फैलिएको र यही कारण दर्जनौँको मृत्यु भएकोलगायत मानवताविरोधी अपराध गरेकाले अबउप्रान्त सधैँका लागि फोहोरमैला निषेध गर्नुबाहेक अर्को विकल्प छैन,’ संयोजक ढुंगानले भने । शनिबारदेखि फोहोर बोकेका गाडी तारकेश्वर नगरपालिका र नुवाकोटको ककनी गाउँपालिकाको सीमामै रोकिने संघर्ष समितिले जनाएको छ ।
मेयर बालेनले आफ्नै वाचा भुलेको आरोप
दुई वर्षअघि काठमाडौं महानगरको मेयरमा निर्वाचित हुनेबित्तिकै बालेन्द्र साह (बालेन)ले बन्चरेडाँडा पुगेर फोहोरमैला व्यवस्थापनको समस्या समाधान नभएसम्म खादा, माला नलगाउने घोषणा नै गरेका थिए । फोहोरमैला व्यवस्थापन समस्या दीर्घकालीन समाधान नभई चुप लाएर नबस्ने र यसका लागि केही महिना समय दिन अनुरोध गरेका थिए । सोहीअनुसार स्थानीय ढुक्क भएका भए । तर, अहिले आफ्नै वाचा भुलेर स्थानीयसँग वार्ता, छलफलसमेत गर्न नचाहेको स्थानीयको आरोप छ ।
‘हामीलाई त्यतिवेला आश्वासन दिइयो । तर, अहिले भेट्न, छलफल गर्नसमेत पाएका छैनौँ । बन्चरेडाँडावासीसँग नभेट्ने भन्नुभएको छ रे,’ ढुंगानाले भने । १३ जेठ ०७९ मा निर्वाचित हुनेबित्तिकै र २० जेठमा उपमेयर सुनीता डंगोलसहित बन्चरेडाँडा पुगेका थिए । ककनी गाउँपालिकाको वडा नम्बर १, २ र ३ तथा धुनिबेँसी नगरपालिका वडा नम्बर १, ३ र ४ लाई प्रभावित क्षेत्र भनेर तोकिएको छ ।
श्रीराम ढुंगाना, संयोजक, ल्यान्डफिल साइट प्रभावित क्षेत्र सरोकार समिति
फोहोरमैला ढुवानी गर्ने सवारीसाधनको असावधानीका कारण दर्जनौँ स्थानीयवासीको मृत्यु भएको, सयौँको संख्यामा क्यान्सरजस्ता प्राणघातक रोग फैलिएको र यही कारण दर्जनौँको मृत्यु भएकोलगायत मानवताविरोधी अपराध गरेकाले अबउप्रान्त सधैँका लागि फोहोरमैला निषेध गर्नुबाहेक अर्को विकल्प छैन । यसपटक पूर्वसहमति कार्यान्वयनको चरणमा नपुगुन्जेल चरणबद्ध आन्दोलन गर्ने र फोहोरमैला बोकेका गाडीलाई प्रवेश निषेध गर्छौँ ।
महानगरसँग यस्ता माग
केन्द्र सरकारसँगका माग
