कांग्रेस महामन्त्री गगन थापाले बिहीबारबाट संवाद यात्रा थाल्ने भएका छन् । केन्द्रीय सदस्य केशवकुमार बुढाथोकीको निधनका कारण २३ माघमा स्थगित अभियान पुनः सुरु हुन लागेको हो ।
महामन्त्री थापाका अनुसार नवलपरासीमा रोकिएको अभियान सोही स्थानबाट सुरु हुनेछ । १३ माघबाट सुरु भएको अभियानमा हुलाकी राजमार्गअन्र्तगतका जिल्ला समेटिनेछन् । यसपटकको अभियान १५ देखि १७ चैतसम्म चल्नेछ ।
‘माघ १३ गते मेची पुलबाट सुरु गरेको संवाद यात्रा माघ २२ गते नवलपरासीको गोपीगन्जमा रोकिएको थियो । अबकोे संवाद यात्रा त्यहीँबाट पुनः सुरु हुँदै छ । अभियानअन्तर्गत १५ देखि १७ चैतसम्म नवलपरासी, रुपन्देही, कपिलवस्तु, दाङ र बाँकेका विभिन्न ठाउँमा पुग्नेछौँ,’ महामन्त्री थापाले भने । उनले १३ माघमा झापाबाट संवाद यात्रा थालेका थिए । सँगसँगै कांग्रेस केन्द्रीय समितिले १३ देखि २६ माघसम्म ‘समुदायमा कांग्रेस’ अभियान घोषणा गरेको थियो ।