- वि.सं २o८१ जेठ ३ बिहीबार
०७२ सालको विनाशकारी भूकम्पमा ढलेको हिटी–पोखरीको गरुड प्रस्तर मूर्ति प्रतिस्थापित गरिएको छ । महानगरपालिकाको सम्पदा तथा पर्यटन विभाग, वातावरण व्यवस्थापन विभाग, महानगर प्रहरी बल, वडा कार्यालय र स्थानीय सहभागितामा मूर्तिको आसन र मूर्ति पुनर्स्थापित गरिएको हो । यो काठमाडौं महानगरपालिका– १ मा पर्छ ।
भूकम्पको कम्पनले पोखरीछेउमा रहेको फल्चा भत्किनुका साथै मूर्ति ढालेको थियो । ‘मूर्ति पुनर्स्थापित भयो । अब फल्चा पुनर्निर्माण गराउँछौँ,’ वडाध्यक्ष भरतलाल श्रेष्ठले भने, ‘परम्परागत हिटी, पोखरी र यससँग सम्बन्धित भौतिक संरचना पुनर्स्थापना हाम्रो प्राथमिक काम हो ।’ मूर्ति राखेपछि पोखरीमा गहना थपिएको जस्तै भएको छ । वडासदस्य शुभरत्न खड्गीले भने, ‘काम ठूलो त होइन, तर महत्व ठूलो छ ।’
2024-05-16-05-25-32.jpeg)
