राष्ट्रिय सभा सदस्य पदको निर्वाचनअन्तर्गत कर्णाली प्रदेशमा मतदान सकिएको छ। मतदान गर्ने समय ३ बजेसम्म भए पनि सबै मतदाताले मत हालेपछि मतदान सकिएको हो।
निर्वाचन अधिकृतको कार्यालयका अनुसार प्रदेश सभातर्फका ४० सदस्यले मतदान गरेका छन्।
यस्तै, ७९ स्थानीय तहका कुल एक सय ५८ मतदातामध्ये एक सय ५६ जनाले मतदान गरेका छन्। दैलेखको महाबु गाउँपालिकाका अध्यक्ष लछुमन गुरुङ र जाजरकोटको नलगाड नगरपालिका उपप्रमुख सरिता सिंहको निधन भएको थियो।
बिहान ९ बजेदेखि सुरु भएको मतदान १ः१५ बजे सकिएको हो।