आइसिसी यू–१९ एकदिवसीय विश्वकपको पहिलो खेलमा नेपालले अहिले टेस्ट मान्यताप्राप्त राष्ट्र न्युजिल्यान्डविरुद्ध प्रतिस्पर्धा गरिरहेको छ ।
टस जितेर न्युजिल्यान्डले पहिले ब्याटिङ रोजेपछि बलिङ गरिरहेको नेपाललाई दोस्रो सफलता मिलेको छ । न्युजिल्यान्डका ओपनर टम जोन्सलाई तिलक भण्डारीले बोल्डआउट गरेका छन् । १३औँ ओभरको पाँचौँ बलमा तिलकले टमलाई बोल्ड गरेका हुन् ।
आउट हुनुअघि उनले ४५ बलमा पाँच चौकाको मद्दतले ३३ रन बनाए । दोस्रो विकेट गुमाउँदा न्युजिल्यान्डले ६६ रन बनाएको छ ।
यसअघि सुवास भण्डारीले अर्का ओपनर ल्युक वाटसनलाई १४ रनको अवस्थामा आउट गरेका थिए ।