- वि.सं २o८१ जेठ २ बुधबार
राष्ट्रिय योजना आयोगका उपाध्यक्ष डा. मीनबहादुर श्रेष्ठसँग विश्व बैंकका माल्दिभ्स, नेपाल र श्रीलंका हेर्ने कन्ट्री डाइरेक्टर फेरिस हदाद जेर्बोसले भेटवार्ता गरेका छन् । शुक्रबार भएको भेटवार्तामा विश्व बैंकको कन्ट्री पार्टनरसिप फ्रेमवर्क (सिपिएफ) र नेपालको १६औँ विकास योजनाबीच कसरी तादात्म्य मिलाउने भन्ने विषयमा छलफल भएको बताइएको छ ।
योजना आयोगका उपाध्यक्ष श्रेष्ठले अब बन्ने १६औँ योजना पूर्वाधार, सामाजिक क्षेत्रलगायत खासगरी उत्पादन र रोजगारीमा केन्द्रित हुने बताए । यस्तै, विकास लागि भएका संरचनात्मक समस्याहरू पहिचान गरी समाधान गर्न १६औँ योजनाले विशेष ध्यान दिने पनि उनको भनाइ थियो । विश्व बैंकलगायतका विकास साझेदारहरूले नेपालका लागि गरेको सहयोगका लागि उनले जेर्बोसलाई धन्यवाद दिए ।
