- वि.सं Invalid date format
बलात्कार कसुरमा क्रिकेटर सन्दीप लामिछाने दोषी ठहर भएपछि गौशाला २६ को तस्बिर भन्दै युवतीकाे फाेटाे सार्वजनिक गर्ने एकजना पक्राउ परेका छन्।
पक्राउ पर्नेमा संखुवासभाका ३२ वर्षीय केशरमान राई रहेको प्रहरीको साइबर ब्युरोले जनाएको छ। गौशाला २६ को भन्दै तस्बिर सार्वजनिक गर्ने अरू व्यक्तिको समेत खोजी भइरहेको ब्युरोले जनाएको छ।
जिल्ला अदालत, काठमाडौंले लामिछानेलाई आठ वर्ष जेल सजाय र पाँच लाख रुपैयाँ क्षतिपूर्ति भराउने आदेश दिएको थियो। त्यसयता लामिछानेका समर्थकले पीडित गौशाला २६ भन्दै विभिन्न तस्बिर र व्यक्तिगत विवरणहरू सार्वजनिक गर्दै आएका छन्। यसविरुद्ध युवतीले साइबर ब्युरोमा उजुरी दिइकी थिइन्।
