चितवन राष्ट्रिय निकुञ्जभित्र रहेको नारायणी नदी र राप्ती नदीमा चितवन राष्ट्रिय निकुञ्जले घडियाल गोहीको अनुगमन गरेको छ।
अनुगमन तथा गणनाको क्रममा नारायणी नदीमा एक सय १३ वटा र राप्ती नदीमा एक सय ५२ वटा घडियाल गोही फेला गरेको चितवन राष्ट्रिय निकुञ्जले जनाएको छ।
१५ दिन लगाएर अनुगमन गरिएको निकुञ्जले जनाएको छ। घडियाल अनुगमन कार्यमा काठको डुंगा, रबर बोट, जिपिएस, क्यामेरा, बाइनाकुलरलगायतका सामग्री प्रयोग गरिएको थियो।
अनुगमनको क्रममा तीनवटा डल्फिनसमेत भेटिएको निकुञ्जले जनाएको छ। नारायणी नदीमा भेटिएकामध्ये तीन भाले तथा राप्तीमा पनि तीनवटा नै भाले घडियाल गोही छन्।