नेपाली कांग्रेसको बागमती प्रदेश सम्मेलन यही पुस ७ गते हुँदै छ। बिहान ८ः३० बजे सुकेधारास्थित नवदुर्गा पार्टी भेन्युमा हुने प्रदेश सम्मेलनको सम्पूर्ण तयारी पूरा भएको बागमती कांग्रेसले जनाएको छ।
पहिलोपटक हुन लागेको प्रदेश सम्मेलनमा प्रदेश र स्थानीय तहलाई अधिकारसम्पन्न र थप जवाफदेही बनाउने विषयमा छलफल हुने बागमती कांग्रेसका प्रवक्ता तिलकप्रसाद रुवालीले जारी गरेको विज्ञप्तिमा उल्लेख छ।
पार्टीको आन्तरिक निर्वाचन प्रणाली र राज्यको निर्वाचन प्रणालीलाई चुस्त र थप समावेशी बनाउने विषयमा समेत छलफल हुने बताइएको छ।
सम्मेलनमा राजनीतिक, सांगठनिक र आर्थिक प्रतिवेदनहरू प्रस्तुत हुने र छलफल गरी पारित हुने प्रवक्ता रुवालीले जनाएका छन्।