- वि.सं २o८o कार्तिक २१ मंगलबार
राष्ट्रिय वाणिज्य बैंक लिमिटेड सञ्चालक समितिका नवनियुक्त अध्यक्ष बाबुराम सुवेदीले नेपाल राष्ट्र बैंकका गभर्नर महाप्रसाद अधिकारीसमक्ष पद तथा गोपनीयताको शपथ लिएका छन् । बैंक सञ्चालक समितिको बैठकले सुवेदीलाई अध्यक्षमा सर्वसम्मत चयन गरेपछि उनले राष्ट्र बैंकका गभर्नरसमक्ष शपथ लिएका हुन् ।
नवनियुक्त अध्यक्ष सुवेदी अर्थशास्त्र तथा जनप्रशासन विषयमा स्नातकोत्तर उत्तीर्ण रहेको जनाइएको छ । हाल उनी नेपाल सरकार अर्थ मन्त्रालयका सहसचिव पदमा कार्यरत छन् ।
शपथग्रहण कार्यक्रममा नेपाल राष्ट्र बैंकका डेपुटी गभर्नर डा. नीलम तिम्सिना ढुंगाना, राष्ट्र बैंकका उच्च पदाधिकारीहरू र राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठ, नायब प्रमुख कार्यकारी अधिकृतद्वय देवेन्द्ररमण खनाल, सरस्वती अधिकारी, कम्पनी सचिव हेमराज खरेललगायतको उपस्थिति थियो ।
