- वि.सं २o८o श्रावण १९ शुक्रबार
नेपाली नागरिकतासम्बन्धी कसुरमा सप्तरीको डाक्नेश्वरी नगरपालिकाकी उपमेयर मीराकुमारी यादवका पति महेन्द्रकुमार यादव पुर्पक्षका लागि कारागार चलान भएका छन्।
बिहीबार सप्तरी जिल्ला अदालतका न्यायाधीश लालकाजी श्रेष्ठको इजलासले उनीलाई पुर्पक्षका लागि कारागार चलान गर्ने आदेश दिएकाे अदालतका सूचना अधिकारी गंगाकुमार मिश्रले जानकारी दिए।
सो मुद्दामा १२ दिनअघि उपमेयर मीराकुमारी एक लाख धरौटी बुझाएर रिहा भएकी थिइन्। अनुसन्धानको क्रममा पटक-पटक म्याद थप्दै २३ दिनसम्म प्रहरी हिरासतमा रहेकी मीरा गत साउन ८ गते धरौटी बुझाएर रिहा भएकी थिइन्।
सो प्रकरणमा महेन्द्रका बुबा (नागरिकताअनुसार)सहदेव यादव पनि तीन दिनअघि मात्रै एक लाख धरौटी बुझाएर रिहा भएका थिए। मुद्दाको अनुसन्धानकै क्रममा फरार सूचीमा रहेका महेन्द्र बिहीबार अदालतमा उपस्थित भएका थिए ।
