- वि.सं २o८o असार २३ शनिबार
कोसी प्रदेशमा नयाँ सरकार गठन प्रक्रिया अवैधानिक रहेको भन्दै सर्वोच्च अदालतमा शुक्रबार रिट दायर भएको छ । कोसी एमाले संसदीय दलका नेता हिक्मतकुमार कार्कीका तर्फबाट वारेस पवनकुमार निरौलाले रिट निवेदन दर्ता गराएका हुन् । रिटमा प्रदेश प्रमुख पर्शुराम खापुङ, मुख्यमन्त्री उद्धव थापा र प्रदेशका सभामुख बाबुराम गौतमलाई विपक्षी बनाइएको छ ।
कांग्रेस संसदीय दलका नेता थापालाई चार दलको समर्थन छ । तर, बहुमत पुर्याउन सभामुख गौतमको पनि हस्ताक्षर बुझाइएको थियो । सभामुख तटस्थ रहनुपर्नेमा उनको पनि मत गणना गरिनु संविधानविपरीत भएको दाबी रिटमा छ । सो रिटको आइतबार पेसी तोकिएको छ ।
मुख्यमन्त्री थापाले लिए शपथ
कोसी प्रदेशका नवनियुक्त मुख्यमन्त्री उद्धव थापालाई शुक्रबार प्रदेश प्रमुख पर्शुराम खापुङले पद तथा गोपनीयताको शपथ गराएका छन् ।
