१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o जेठ २० शनिबार
  • Friday, 21 June, 2024
नयाँ पत्रिका काठमाडाैं
२o८o जेठ २० शनिबार १o:३२:oo
Read Time : < 1 मिनेट
ad
ad
ad
ad
विश्व डिजिटल संस्करण

भारतको ओडिसामा रेल दुर्घटना, मृत्यु हुनेको संख्या २८० पुग्यो

Read Time : < 1 मिनेट
नयाँ पत्रिका, काठमाडाैं
नयाँ पत्रिका
२o८o जेठ २० शनिबार १o:३२:oo

भारतको ओडिसामा रेल दुर्घटना हुँदा मृत्यु हुनेको संख्या २८० पुगेको छ। भारतीय सञ्चारमाध्यमहरूका अनुसार भारतको ओडिसा राज्यको बालासोर जिल्लामा रेल दुर्घटना भएको हो।

यात्रुबाहक रेल  र मालबाहक रेलहरू एकआपसमा ठोकिँदा कम्तीमा २८० जनाको मृत्यु भएको र सयौँ मानिस घाइते भएको बताइएको छ। दुर्घटना स्थलमा अहिले पनि उद्धार कार्य जारी छ।

मृतकको संख्या अझै बढ्न सक्ने अधिकारीहरूले बताएका छन्। भारतीय रेलवेका अनुसार कोरोमण्डल एक्सप्रेस र हावडा सुपरफास्ट एक्सप्रेस एकआपसमा ठोक्किएर उक्त दुर्घटना भएको हो।

दुर्घटनापछि यस रुटबाट चल्ने नियमित रेलको यात्रा रद्द गरिएको छ भने धेरै रेलहरू डाइभर्ट गरिएको छ। अहिलेसम्म प्राप्त जानकारीअनुसार लगभग ६५० जना मानिस घाइते भएका छन्।

घाइतेहरूको गोपालपुर, खन्तपारा, बालासोर, भद्रक र सोरोको अस्पतालमा उपचार भइरहेको छ। केन्द्रीय रेलमन्त्री अश्विनी वैष्णव घटनास्थल पुगेर उद्धार कार्यको निरीक्षण गरेका छन्। 

घटनाको उच्चस्तरीय छानबिन आयोग गठन गरेर छानबिन गरिने र रेल सुरक्षा आयुक्तले पनि स्वतन्त्र छानबिन गर्ने, वैष्णवले शनिबार बताएका छन्। रेलवे प्रवक्ता अमिताभ शर्माका अनुसार शुक्रबार साँझ ७ बजे उक्त दुर्घटना भएको हो।     
     

 

ad
ad
ad
ad