- वि.सं २o८o बैशाख २६ मंगलबार
सिद्धार्थ बैंक लिमिटेडले अभिभावक तथा बालबालिकालाई लक्षित गर्दै ‘सिद्धार्थ पे एन्ड सेभ’ खाता सञ्चालनमा ल्याएको छ । बैंकले नेपालमै पहिलोपटक विशेष सुविधा भएको खाता सञ्चालनमा ल्याएको हो ।
शून्य मौज्दातमै खोल्न सकिने यस खातामा अभिभावकले डेबिट कार्ड र मोबाइल बैंकिङमार्फत एक सय रुपैयाँभन्दा बढीको विद्युतीय कारोबार गरेको अवस्थामा उक्त कारोबार रकमलाई आधार बनाई निश्चित रकम अभिभावकको खाताबाट कट्टा भई बालबालिकाको खातामा स्वतः जम्मा हुने व्यवस्था रहेको बैंकले जनाएको छ ।
डिजिटल कारोबारलाई प्रोत्साहित गर्दै बालबालिकाका लागि आजैबाट स–सानो बचत गर्दै जान अभिपे्ररित गर्ने उद्देश्यका साथ खाता सञ्चालनमा ल्याएको बैंकको भनाइ छ । यस खातामा बंैकले अभिभावक र बालबालिका दुवैको खातामा विशेष आकर्षणका रूपमा पहिलो वर्षका लागि निःशुल्क डेबिट कार्ड र बैंक स्मार्ट एक्सपी सेवा प्रदान गर्ने जनाइएको छ ।
साथै, ग्राहकलाई यो खाता खोली यथाशीघ्र लाभ लिन प्रेरित गर्ने उद्देश्यका साथ सीमित अवधिका लागि क्यासब्याक योजना पनि उपलब्ध गराइएको बैंकले जनाएको छ । क्यासब्याक योजनाअन्तर्गत अभिभावकले डेबिट कार्डमार्फत पहिलोपटक पिओएस वा अनलाइनबाट न्यूनतम एक हजार रुपैयाँको कारोबार गर्दा कारोबार रकमको पाँच प्रतिशत वा अधिकतम एक सय रुपैयाँ क्यासब्याक पाउने व्यवस्था गरेको जनाइएको छ ।
