नेपाली चिकित्सक डा. अनिलपुकार शाह बंगलादेशमा सम्मानित भएका छन् । युनिभर्सिटी अफ साइन्स एन्ड टेक्नोलोजी चिट्टागंगद्वारा राजधानी ढाकास्थित बंगबन्धु इन्टरनेसनल कन्फ्रेन्स सेन्टरमा आयोजित समारोहमा डा. शाहलाई ‘द प्रेसिडेन्ट (चान्सलर) तथा एक्सिलेन्सी’ अवार्डले सम्मान गरिएको हो । डा. शाहले उक्त विश्वविद्यालयबाट सन् २०१४ मा एमबिबिएस उत्तीर्ण गरेका थिए । 

सन् २०११ देखि २०२२ सम्म यस विश्वविद्यालयबाट एमबिबिएस उत्तीर्ण भएका तीन हजार ४० डाक्टरमध्ये शाहले सर्वाधिक अंक ल्याएका थिए । समारोहमा बंगलादेशका शिक्षामन्त्री बर्रिस्तर मोहिबुल हसन चौधरी, सार्क मुलुकका विभिन्न प्रतिनिधिलगायत उपस्थित थिए । डा. शाह हाल नेपाल मेडिसिटी वयोधा अस्पताल, वीरगन्जमा कन्सल्टेन्ट युरोलोजिस्टका रूपमा कार्यरत छन् ।