Skip This
कञ्चनपुरको भीमदत्त नगरपालिकाले निजी विद्यालयहरूलाई अनधिकृत रूपमा शुल्क वृद्धि र पाठ्यपुस्तक परिवर्तन नगर्न निर्देशन जारी गरेको छ।
चालु शैक्षिक सत्रमा भीमदत्त नगरपालिका क्षेत्रका निजी विद्यालयले आफू खुसी शुल्क वृद्धि र पाठ्यपुस्तक परिर्वतन गर्न लागेको गुनासो आएपछि नगरपालिका एक्सनमा उत्रिएको हो। भीमदत्त नगरले गत शैक्षिक सत्र २०७९ कै शुल्क लिन र अनधिकृत रूपमा पाठ्यपुस्तक परिर्वतन नगर्न आदेश जारी गरेको छ।
नगरपालिकाका शिक्षा शाखा प्रमुखसमेत रहेका निमित्त प्रमुख प्रशासकीय अधिकृत हरिदत्त जोशीले शुल्क वृद्धि नगर्न र ०७९ मै प्रयोग भएको पाठ्यपुस्तक परिर्वतन नगर्न निर्देशन दिएको बताए। शुल्क वृद्धि र पाठ्यपुस्तक परिवर्तन गर्नुपर्ने भए पनि पालिकामा प्रस्ताव तयार गरेर स्वीकृत गर्न भनिएको छ।
