पछिल्लो २४ घन्टामा कोरोना संक्रमणबाट थप एकजनाको मृत्यु भएको छ। यो अवधिमा थप १२१ जनामा कोरोना संक्रमण पुष्टि भएको छ। 

स्वास्थ्य तथा जनसंख्या मन्त्रालयले सार्वजनिक गरेको तथ्यांकअनुसार आज दुई हजार तीन सय ७७ जनामा गरिएको परीक्षणमा १२१ जनामा संक्रमण देखिएको हो। आज ८१ जना उपचारपछि घर फर्किएका छन्।

मन्त्रालयले अझै केही दिनसम्म संक्रमण बढ्ने जनाएको छ। हाल चार सय ४५ जना सक्रिय संक्रमित छन्। नेपालमा छिमेकी देश भारतमा फैलिएको कोरोना भाइरसको नयाँ भेरियन्ट ओमिक्रोन एक्सबिबी १.१६ देखा परेको छ।