१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख १० सोमबार
  • Monday, 22 April, 2024
नयाँ पत्रिका काठमाडौं
२०७९ चैत २४ शुक्रबार १०:४०:००
Read Time : < 1 मिनेट
अर्थ प्रिन्ट संस्करण

हिमाल सरसफाइमा कोकाकोलाले साथ दिने

Read Time : < 1 मिनेट
नयाँ पत्रिका, काठमाडौं
२०७९ चैत २४ शुक्रबार १०:४०:००

नेपाली सेनाको नेतृत्वमा ‘हिमाल बचाउने प्रयास’ नारासहित आयोजना भइरहेको चौथो हिमाल सरसफाइ अभियानमा कोकाकोला फाउन्डेसनले यो वर्ष पनि सहकार्य गरेको छ । अन्य थुप्रै सरोकारवाला निकायहरूको पनि सहभागिता रहेको यस अभियानमा दी कोकाकोला फाउन्डेसनले अहिलेसम्मको प्रमुख सबैभन्दा ठूलो दाताका रूपमा सहकार्य गर्ने भएको हो । 
अहिलेसम्मको विश्वकै सबैभन्दा ठूलो हिमाल सरसफाइ अभियानका रूपमा पर्वतारोहीहरूले छाडेको फोहोर र हिमालमा जम्मा भएको वातावरणीय प्रदूषणलाई सफा गरेर हिमालको पवित्रता जोगाउने उद्देश्य रहेकाले साथ दिँदै आएको कोकाकोलाले जनाएको छ ।

सगरमाथा, ल्होत्से, अन्नपूर्ण र वरुण हिमाल गरी आठ हजार मिटरभन्दा अग्ला हिमालहरू सरसफाइ गर्ने कार्यक्रम रहेको जनाइएको छ । चैत १४ देखि जेठ २२ सम्म सञ्चालन भइरहेको अभियानमा करिब ३५ टन फोहोर संकलन हुने अनुमान गरिएको उल्लेख छ । संकलन भएका सबै फोहोरहरू उचित व्यवस्थापनका लागि रिसाइक्लिङ पार्टनरहरूलाई हस्तान्तरण गरिने जनाइएको छ ।

प्रतिकूल मौसम र हाई अल्टिच्युडमा कठिन काम गर्नुपर्ने हुनाले यो अभियानमा संलग्न हुने टोलीलाई विगत केही महिनादेखि विशेष तालिम प्रदान गरिएको जनाइएको छ । टोलीमा आरोही, डाक्टर र शेर्पाहरू रहेका छन् ।

 कोकाकोला फाउन्डेसनका अध्यक्ष साडिया माड्सब्जर्गले पहाडी इकोसिस्टमले बाढीलाई नियन्त्रण गर्नुका साथै सफा पानी र हावा प्रदान गरी मानव जीवनलाई अत्यावश्यक सेवाहरू प्रदान गर्ने बताए । जलवायु परिवर्तनका नकारात्मक प्रभाव विशेष गरी पहाडहरूमा तीव्र भएको उनको भनाइ थियो । त्यसलाई बचाउन सकिन्छ कि भन्ने आशाका साथ हिमाल सफाइ अभियानमा सहकार्य गर्दै आएको उनले बताए ।