१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ १३ आइतबार
  • Sunday, 26 May, 2024
नयाँ पत्रिका काठमाडाैं
२o८१ जेठ १३ आइतबार १३:४६:oo
Read Time : < 1 मिनेट
ad
ad
मुख्य समाचार डिजिटल संस्करण

तिलगंगालाई अन्तर्राष्ट्रिय आँखा उपचारको हब बनाउने गरी बजेट व्यवस्था गर्न सांसदको माग

Read Time : < 1 मिनेट
नयाँ पत्रिका, काठमाडाैं
नयाँ पत्रिका
२o८१ जेठ १३ आइतबार १३:४६:oo

राष्ट्रिय सभा सदस्य मदनकुमारी साह गरिमाले तिलगंगा आँखा अस्पताललाई अन्तर्राष्ट्रिय आँखा उपचारको हब बनाउने गरी आगामी आर्थिक वर्षको बजेटमा आवश्यक व्यवस्था मिलाउन सरकारसँग माग गरेकी छिन् ।

मंगलबार राष्ट्रिय सभा बैठकको शून्य समयमा बोल्दै उनले सरकारले आँखाको लेन्स उत्पादन उद्योगलाई पर्याप्त आर्थिक सहयोग गर्नुपर्ने आवश्यक्ता औँल्याइन् । इसा अवार्डबाट सम्मानित तिलगंगा आँखा अस्पतालका कार्यकारी निर्देशक डा. सन्दुक रुइतप्रति बधाई ज्ञापन गर्दै उनले विश्वमा आफ्नो योेग्यता र सेवाबाट नेपाललाई चिनाएकोमा सबै नेपालीका लागि गर्वको विषय भएको स्पष्ट पारिन् ।

‘बहराइन सरकारको प्रतिष्ठित इसा अवार्डबाट सम्मानित हुनुभएको डा. सन्दुक रुइतप्रति हार्दिक बधाई ज्ञापन गर्दछु । विश्वमानचित्रमा नेपाललाई योग्यता र सेवाभावबाट चिनाउनुभएकोमा डा. रुइतमाथि हामी गर्व गर्दछौँ । यस अनुकरणीय कार्यका लागि डा. रुइतप्रति आभार र धन्यवाद व्यक्त गर्न चाहन्छु । आँखाको लेन्स उत्पादन उद्योगलाई पर्याप्त आर्थिक सहयोग र तिलगंगा आँखा अस्पताललाई अन्तर्राष्ट्रिय आँखा उपचारको हब बनाउन आर्थिक वर्ष ०८०–८१ मा समावेश गर्न सरकारसँग जोडदार माग गर्दछु,’ उनले भनिन्  ।

ad
ad