- वि.सं Invalid date format
नेपाल रोड रेसिङ च्याम्पियनसिप २०२३ को उपाधि काठमाडाैंका आसिक लामाले जितेका छन्।
मोटर स्पोट्स नेपाल र पोखरा महानगरपालिकाको संयुक्त आयोजना, राखेपको सहयोग तथा यामाहा आर—१५ को मुख्य प्रयोजनमा पहिलोपटक पोखरामा आयोजना गरिएको प्रतियोगितामा सहभागी अन्य १५ जना प्रतिस्पर्धीहरूलाई पछि पारेका लामाले उपाधिसँगै ७७ हजार ७७७ रुपैयाँ नगद पुरस्कार पाए।
काठमाडौंका राजकुमार कार्की दोस्राे हुँदै ५५ हजार ५५५ नगद र काठमाडौंका युकेस थापा तेस्रो हुँदै ४४ हजार ४४४ रुपैयाँ नगद पुरस्कार पाए।
त्यसैगरी, नोभिस (जुनियरतर्फ) सहभागी अन्य ४७ जनालाई पछि पार्दै काठमाडौंका निमेश ठकुरी प्रथम भएर नगद ७७ हजार ७७७, काठमाडौंका दिलीप दनुवार दोस्रो हुँदै नगद ५५ हजार ५५५ र काठमाडौंका मंगेस जोसी तेस्रो हुँदै नगद ४४ हजार ४४४ रुपैयाँ पुरस्कार पाए।
आयोजक पोखरा महानगरपालिका खेलकुद विकास समितिका अध्यक्ष दीपक गोदारका अनुसार विजेता खेलाडीहरूलाई अन्तर्राष्ट्रिय प्रतियोगितामा सहभागिता गराइने जानकारी दिए।
