वीरगन्ज नर्सिङ क्याम्पसमा नेकपा एमालेनिकट अनेरास्ववियु नेतृत्वले जित हासिल गरेको छ ।

अनेरास्ववियुको तर्फबाट स्ववियु सभापतिमा मनीषा चौधरी ९१ मतसहित विजयी हुँदा उनकी निकटतम प्रतिस्पर्धी नेविसंघकी यामिनी खड्काले ६३ मत पाएकी छिन् । 

सचिवमा पनि अनेरास्ववियुकै सृष्टि तिमिल्सिना र कोषाध्यक्षमा अर्चना गुप्ता विजयी बनेकाे एमालेका नेता रामकिशोरसिंह परागले जानकारी दिए ।

त्यसैगरी, सदस्यहरूमा अनेरास्ववियुकै विवेक रनावत र मुन्ना श्रेष्ठ तथा नेविसंघकी स्मृति थापा विजयी भए । समानुपातिक सदस्यमा अनेरास्ववियुकै सदीक्षा शाही, दीपशिखा केसी र शिक्षा खनाल चयन भएका छन् ।