मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० फाल्गुण १७ बिहीबार
  • Thursday, 29 February, 2024
२०७९ चैत ५ आइतबार २१:५२:००
Read Time : < 1 मिनेट
समाचार डिजिटल संस्करण

ज्ञानोदय बहुमुखी पब्लिक क्याम्पस अनेरास्ववियुको प्यानलै विजयी, नेपालगन्ज नर्सिङ क्याम्पसमा मिश्रित परिणाम

Read Time : < 1 मिनेट
२०७९ चैत ५ आइतबार २१:५२:००

खजुरास्थित ज्ञानोदय बहुमुखी पब्लिक क्याम्पसको स्ववियु निर्वाचनमा एमालेनिकट अनेरास्ववियुको प्यानलै विजयी भएको छ। सभापतिमा विनय यादव विजयी भएका छन्। 

दुई सय २९ जना मतदाता रहेको क्याम्पसमा २ सय २२ मत खसेको थियो । यादवले १ सय १ मत प्राप्त गरे । यसैगरी अनेरास्ववियु क्रान्तिकारीका सरिफ खाँले ६१ मत र नेविसंघका हिमाल पंगालीले ४८ मत पाएको निर्वाचन समितिले जनाएको छ।

त्यसैगरी, सचिवमा अनेरास्ववियुका प्रेमप्रसाद पौडेल र कोषाध्यक्षमा विनिता पुनमगर विजयी भएका छन् । सदस्यमा पनि अनेरास्ववियुका सपना थापा क्षेत्री, मोहम्मद उसमान खान र निरुता थापा विजयी भएका छन्। 

समानुपातिकतर्फ अनेरास्ववियुले एक सय ७, नेविसंघले ५७ र अनेरास्ववियु क्रान्तिकारीले ५४ मत पाए।

यसैबीच, नेपालगन्ज नर्सिङ क्याम्पसमा मिश्रित परिणाम आएको छ । सभापति र कोषाध्यक्ष र एक सदस्य नेपाल विद्यार्थी संघ–अखिल क्रान्तिकारी गठबन्धनले जितेको छ भने सचिव र दुई सदस्य एमालेनिकट अनेरास्ववियुले जितेको छ। 

सभापतिमा गठबन्धनकी दीपिका सोनी र कोषाध्यक्षमा रेलुसा खत्री विजयी भए। सचिवमा अनेरास्ववियुकी देवार्चना अधिकारी विजयी भएको क्याम्पस प्रशासनले जनाएको छ। 

सदस्यमा अनेरास्ववियुकी विनिता बेल्बाँसे, ईशा पौडेल र गठबन्धनकी रश्मि अधिकारी विजयी भए ।