कांग्रेस सभापति एवं प्रतिनिधिसभा सदस्य शेरबहादुर देउवाले राष्ट्रपति निर्वाचनमा मतदान गगरेका छन्।  

नयाँ बानेश्वरस्थित संसद् भवनको ल्होत्से हलमा कायम गरिएका संघीय सांसद मतदान केन्द्रमा उनले केहीबेरअघि मतदान गरेका हुन्।  

बिहान १० बजेदेखि दिउँसो १२ बजेसम्म संघीय सदस्यतर्फका दुई सय २०  र प्रदेश सभातर्फ दुई सय ६०  सदस्यले मतदान गरेकाे निर्वाचन अधिकृतको कार्यालयले जानकारी दिएको छ।  

तेस्रो राष्ट्रपतिका लागि नेपाली कांग्रेसका रामचन्द्र पौडेल र नेकपा एमालेका सुवासचन्द्र नेम्वाङ प्रतिस्पर्धामा छन्।